2004年11月27日星期六

第五回之戰果-(黃雀行動)

YUNG--2167 中鋁法巴五零一購(13%)
WAI---4533 中鋁匯理五零六購(2%)
TAI---4611 匯豐匯理五零七沽(1%)
FUNG--9066 匯豐麥銀四十二Β(0%)

世事如棋,變幻無厘,每局都光怪陸離!
此戰真可稱上峰迴路轉,執佢一個大位.上週尾,美利堅果邊大肚瀉,眾人諗著哩鋪大家攪住一齊死.當時恆指大插水,淡友渣正牌殺人,誰不知到臨收皮的一刻,好友大大反攻,到最後大市竟然倒升!
第一日收皮時其實大家重起道拉緊鋸,但到第二日一起身峰哥o既終極必殺技匯控輪9066式開始黎料,峰哥又開始上身喇,又係匯控輪9066式?上次費盧杰之戰此式之破壞力大家有目共睹,難道今次又比佢格硬雞姦?而此次與峰哥作對的宿敵泰哥拎住隻匯控邪輪同佢大晒冷,其實兩輪本屬同門,只不過一正一邪,一陰一陽,永遠勢成水火,相沖相剋,正所謂"一山不能藏二虎,一棍不能插兩股"此次必有一方要壯烈犧牲.果然,不出所料,峰哥帶領住二百幾萬好友大軍一舉攻破萬四關,此時眾人的眼中只有絕望這個字,果下痛楚簡直難以用筆墨黎形容.本以為峰哥哩次啅硬之際,宿敵泰哥再次使出其得意之作,"吟...詩..."只見其口中唸唸有詞,果真又好似幾使得喎,到中段峰哥由渣住廿個,攪到竟然要倒輸兩個,匯控邪輪加吟詩果然係一絕.一大代預言家泰哥首次嚐試到領先者的知味,而正當他享受緊其風光的一頁之際,好戲還在後頭,原來重金屬派一直監視著他們的一舉一動,其中馬鋼堂,重鋼堂,鞍鋼堂及中鋁堂早已駐兵包圍了整個城池,他們正在進行一個名為[黃雀行動]的任務,目的係要瓦解匯控盟的內訌鬥爭.首先等你兩條友打生打死先,然後殺入繼而殺你一個措手不及.只要一聲領下,就可以殺入城內拉人兼封艇.到啦屎一日,終於收到東瀛果邊柯打,一舉殺入城,其中以勇哥及小志偉為首既中鋁堂首先殺入關,勇哥以中鋁輪2167式出陣,而小志偉則以中鋁輪4533式上場,當時戰況十分混亂,敵我已難分明,此時只聽到勇哥大喝一聲"殺",剎眼間屍橫遍野,簡直係見者心寒,聞者流涕.勇哥招中鋁2167式完全發揮其威力,在旁的戰友小志偉亦感受到其殺氣.而其亦興奮地替佢助攻.一大代預言家泰哥千算萬計也料不到勇哥此次有此一著,出其不備,反插你一野.到最後勇哥終於破處成功,在此季股壇金榜中插番枝旗.
今次行動既成功,真係有賴各位大佬既通力合作,希望日後大家繼續努力,共創驕人佳績!



hidedead.blogspot.com Posted by Hello

0 Comments:

發佈留言

<< Home