再買入友邦保險 (1299.HK)

今早又急跌再以$72.0買埋600股，總共1000股平均價$71.6，中短線目標價$77左右沽出。

另外長和 (0001.HK) 今日又忽然急跌，呢隻野都冇乜心機揸落去，餘下的股份等上到$73.5以上全部沽晒佢...... 

買入友邦保險 (1299.HK)

其實留意咗呢隻野好耐，之後有兩次入貨機會; $69一次$70一次兩次都 miss 咗，今朝一睇股價突然大跌六個幾差不多成一成，原來傳中國稅務機關已開始對境外保單收益徵收個人所得稅20%，堵塞長期存在的監管漏洞導致友邦等相關保險股急挫。其實呢D消息時常會有發生所以相信好快會被市場消化，見難得終於有機會小試牛刀以$71.0買住400股玩住先，之後再落再買多600股湊夠1000股，到收市時已經補回多少失地，收$73.5賬面微賺$2.5，不過睇情況呢隻野成日神經刀大上大落，中短線炒上落賺差價為妙。

另外長和 (0001.HK) 餘下的股份等上到$75.0以上全部沽晒佢......

終於成功沽出部份長和 (0001.HK}

揸咗6年幾長和 (0001.HK)今日終於成功沽出部份股份，其間反反覆覆最低跌到接近三十幾銀，最高又升到$73左右，今日以$72沽出都算靚價，有某D大行評到目標價會上$105，次次都係咁講有邊次係真??唔好喇放咗出去等買 友邦保險 (1299.HK) 或 建設銀行(939.HK)好過.....

屌你老味做乜L嘢呀？又跌個幾銀錢.....

屌你老味做乜L嘢呀？兩個禮拜前隻銀娛27又話業績好又話加派息又話增目標價又話比上年同期增加幾多%乜乜柒柒，屌你老母今日又跌成個幾銀錢，近期最高個價根本連到我心目中個基本目標價都未到就碌咗落嚟，兩個禮拜由$43.0跌穿埋我買入平均價個位跌咗成五，六蚊，屌你老味咁撚辛辛苦苦爬撚咗幾個月先上到呢個位你老味兩個禮拜就同我打回原形，屌你老味又一次見財化水，人地伊朗打仗關你撚事咩？油價升又唔關你事，航運塞又唔關你事，金價高又唔關你事都唔知關乜撚嘢事？？？今朝大摩仲出報告話濠賭股版塊轉向弱勢要降評級，由買入降到與大市同步，痴鳩線都唔知做乜撚無啦啦要降評級.....今鋪真係要屌你老母個二流化甲....真係好撚嬲又好撚揼春，佢已經唔係D細雞股莊家股大大隻藍籌濠賭股龍頭，有實力有現金負債又低，你話升市時跟大市一齊升都話吖，隔離放咗果D就升到爸爸聲穿埋我沽個位成倍咁滯，佢就慢吞吞又跟唔足跌時又跌到凸你到底想點撚樣呀？？？屌你老味真係唔知我黑仔定係個天玩鳩我！！！真係好懷疑人生仲適唔適合玩股票⋯⋯容許我發洩一下......😟😠😡😢💢💥💧

又再加註再次買入銀河娛樂 (0027.HK)

痴L線，中東嗰邊打扙啫關你銀河咩事呀？業績又好派息又派$0.8子，過完年無7啦啦跌到PK，辛辛苦苦用幾個月時間爬上高位 $43.0 幾日就碌返落嚟，屎忽痕放限價盤 $38.0，今朝又竟然俾佢入到，又眼白白唔見幾雞野......😵😶😞，宜家平均價 $36.0。。。

再加註再次買入銀河娛樂 (0027.HK)

日日又話業績表現出色，又話今期比上年同期預測上升咗幾多，又話什麼黃金交叉，又話目標價最少升到$46，最高甚至升到$54，頂佢個肺股價就一池死水日日跌，不過話雖如此銀娛確實係一隻濠賭股中嘅龍頭股，與其買另一隻股倒不如買一隻熟悉的股，限價以$38.0買多一手，現平均價$35.8，8000在手。

咩料呀???見財化水......

今日我生日，其他嘢都順順利利又以低價買到隻心頭好優質好錶又難得又咁啱睇到罕有嘅中華白海豚，美中不足唯獨是隻銀娛無柒啦啦跌成$2.0蚊，又唔係業績唔好又唔係有乜負面消息出現，就算係技術性調整都唔洗跌得咁甘呀？已經連跌咗三日，三日內將幾個月辛辛苦苦儲落嘅同你三日內打回原形，前兩日仲屎忽痕$40買多2000股，平均價$35.5，今日收$35.58亦即係打個和，賬面賺果D見財化水化為烏有，長遠唔驚佢跌但白白冇左D利潤就非常揼春囉.......😤😖😭

 

屎忽痕加註再次買入銀河娛樂 (0027.HK)

見十一黃金週假期澳門入境人數及收益都有所突破，屎忽痕落個限價盤 $40.0 入2000股睇下(當時市價$40.5-40.7左右)，諗住放一個星期，冇諗過轉眼間已經收到短訊話已經成交咗，收市價仲要係$38.8，不過唔緊要絕對對銀娛有信心，長遠可攻可守，現在平均買入價$35.5，目標價可以$44先沽2000股，其餘目標價$48-$50左右。

持倉組合終於出現正數

十年來未試過，持倉組合終於出現正數 $1736.88，最慘烈時期最多賬面蝕成廿十幾個，今次最大攻神當然是愛股銀河娛樂 (0027)，可以繼續持有致 $45 以上，目標價 $50。

銀河娛樂(0027) 終於爆上！！！

 

恆生指數狂瀉3021.51點，是近30年來表現最糟的一個交易日。

中國報復美國總統特朗普（Donald Trump）的關稅措施使得貿易戰加劇，並促使外界更加擔憂經濟衰退，香港股市今天重挫逾13%，是近30年來表現最糟的一個交易日。

恆生指數狂瀉3021.51點或13.22%，收在19828.30點，創下1997年亞洲金融危機以來最大跌幅。

上海綜合股價指數收盤下挫245.43點或7.34%，報3096.58點。

 

股災！！！大O鑊，大瀉 3000 點以上

長和 (001) 派 ＄25 蚊息？有冇睇錯呀？？

 

再加註再次買入銀河娛樂 (0027.HK)

銀娛第四季業績表現強勁，比去年多賺28%，派末期息每股$0.5，為廿年來首度復派末期息。
因此再加註買入銀河娛樂 (0027.HK)，$31 買入第三沈，平均價$33.6，目標價 $45.0-$50.0

加註再次買入銀河娛樂 (0027.HK)

加註買入銀河娛樂 (0027.HK)，$33.5 買入第二沈，平均價$34.25，目標價 $45.0-$50.0

又再次買入銀河娛樂 (0027.HK)

又再次買入銀河娛樂 (0027.HK)，$35.0 買入第一沈，再跌再買第二沈，目標價 $45.0-$50.0。

再沽出剩餘銀河娛樂 (0027.HK)

再沽出剩餘銀河娛樂 (0027.HK)，之前落限價$42.0，估唔到今晨早又爆上，在未得閒 check 股價嘅時候手機已經響起 SMS 短訊通知已經沽出銀河娛樂 (0027.HK)，沽出價 $42.45。即是說已經全部沽清所有銀河娛樂 (0027.HK)，再睇返現價已經升到上 $43.80.....不過冇計股票嘅野就係咁冇話賺到盡，兩次賣出賺超過兩皮野算係響呢個升浪中有唔錯嘅回報。

終於沽出中國人壽 (2628.HK)

自2020年12月 $17.0 買入之後一直潛水，最差試過潛到 $9.X 冇咁約一半，近日北水大舉南下買重港股，恆指由約 17500 點一個禮拜爆升 4000 幾點到約 22000 點，而中國人壽 (2628.HK)亦由約 $11 爆升到 $17，坐艇坐咗 4 年雖然年內間中都有收息但利息有限，見近日一口氣嘅爆升係時候要找逃生門鬆綁，落限價盆 $17.5 沽出，尋日最後收 $17.15。其實一連急升咗咁多日都驚會忽然暴瀉，而且實際上經濟未有真正改善，說穿了其實只係人為資金為了賀國慶而營造良好氣氛而刻意炒上，果然今朝一早便大暴瀉跌愈七百幾點 2628 最低跌到 $16.0 ，見勢色唔對落限價盆 $17.2 沽出，飯後跌幅收窄而能夠成功以 $17.2 沽出平倉走人，終於可以擺脫四年嘅捆綁。其實國壽 (2628.HK) 都是一隻好股穩穩陣陣又有息收，只不過要睇幾錢買，所以回塘後可以在 $12/$13 再次買入。

沽出銀河娛樂 (0027.HK)

短短一個星期由低位 $28.0 升上今日最高 $40.6，收市收 $39.05 ，而恆指更加由 18000 點左右爆升至少 21000 點，潛咗水咁耐終於可突破盲腸而且仲衝上雲霄，十一前落限價盤  $40.5 成功沽出一半先鎖定資金，比平均價大賺 $5.0 算係有可觀嘅回報，其餘一半待 $42 以上再沽出。

日後再回到 $36.0 以下考慮再買回！

加注買入銀河娛樂 (0027.HK)

$34.0 加注買入銀河娛樂 (0027.HK)，現平均價 $35.75.

再次買入銀河娛樂 (0027.HK)

之前去澳門玩一轉，感覺澳門真係轉變好大而且配套措施完善，睇好澳門前景發展，以現在價位 $36-$38左右相信係抵買價，再下跌空間有限，所以再次以 $37.5 小注買入銀河娛樂 (0027.HK)先試牛刀，短炒$40波幅走一轉，唔排除會再加注。

沽出中遠海能 (1138.HK)

大閘蟹咗13年今天終於可以成功鬆綁，其間由平均買入價 $10.5 之後一直潛水，最差時期甚至低過 $5.0 樓下最多蝕五萬幾。由中海發展改名到中遠海能，今日終於可以以 $11.3 成功沽出，比買入價 $10.5 賺 $0.8 其間都收過好幾次股息。見近期航運業回光返照，升勢勢如破竹，但係一上到7蚊8蚊左右就無力再上又回調下來，但心諗都渣咗咁耐都唔爭在等上到返家鄉位置先沽出，所以決定睇定啲再持有多一會，之後大行出評級報告話近期航運股大好目標價上調最高致 $12.5 ，於是膽粗粗落限價盤 $11.3，而今日就可以順利沽出，今日最高價曾上試過 $11.38。

沽出盈富基金 (2800.HK)

近呢一兩月內恆指由萬六點急彈到今日差不多萬九點，見個勢忽然逆轉但經濟環境冇乜大轉變情況下，於是急急設限價盤於 $18.9 沽出之前分別以 $19.12 及 $18.5 平均價$18.85買落嘅盈富基金 (2800.HK)，表面上似平手走人，其實之前已經收咗 $0.55 股息.....😁

不過估唔到收市竟然可以突破 $19.0 ，收市報 $19.12....😮😮😮

暫沽出中銀香港 (2388.HK)

之前 $20.0 左右入市，跟著一插插到 $18.0 以下，見過完年之後個市穩定返D，中銀香港又一躍而起上返$ 21.0 水平，暫時沽出中銀香港 (2388.HK) 2000股避一避風頭，等待 $18.0-$19.0 左右再入等派息。

再增持中銀香港 (2388.HK)

以 $20.0 再買多 1000 股諗住收下息，仆佢個臭街一買就插水咁插，個市差撚到咁撚樣都唔知講咩好，疊埋心水放埋一邊收下息十年八年後又睇下點.....

痴撚線架，日日係咁跌跌撚到幾時呀？平均價 $20.5 宜家都要輸成皮野，日日夜繽周繽佢老母臭閪.....😡😡😡

增持中銀香港 (2388.HK)

港股弱勢，疫情後全無氣色不特止重仆街過疫情前，恆指全面向17000點全面進發，所有股票已跌至幾年前嘅水平，攪什麼夜繽週什麼攪活攪旺夜市都無補於事。

不過見手上隻 i bond 就黎到期，中銀香港又去到當年水平，你話仆唔仆街揸咗成十年得個吉，提早將資金轉移當收息之用都好嘅，買入價 $20.6，平均買入價 $20.9。

第四次買入盈富基金 (2800.HK)

分別以 $19.21 及 $18.5 買入盈富基金 (2800.HK)，平均價 $18.85

短炒沽出盈富基金 (2800.HK)

之前以 $19.1 買入最高上到去 $20.05 衰貪心放限價 $20.2 放唔甩，點知近呢兩日急跌碌番落 $19.2，見勢色唔對那那聲放限價 $19.35 放出，暫時收錢睇定啲先，費事連果少少微利都冇埋，唉～都話一就一，二就二，衰貪心梗係會損失更多。

嚟緊經濟好差，2800 嘅波幅已經又再一次推下，預計在$18.0-$20.0 呢個波幅裹面運行，只要好好把握機會，密食當三餐喺劣勢嘅環境下都可以順道執到 D 肉食下嘅........

又再買入盈富基金 (2800.HK)

 今日恆指大跌，以限價盤 $19.1 成功買入。

再短炒盈富基金 (2800.HK)

其實短炒盈富基金 (2800.HK)都幾好玩，升得快跌得快而且近期波幅範圍通常於 $18.0-$21.0 之間，只要感受到恆指嘅呼吸就等同捕捉到盈富基金 (2800.HK)嘅上落。今次於五月尾以 $19.6 買入，根據之前住跡近期於 $19.3-$20.8 之間上落，諗住今次撈底實冇死，可以坐定粒六上 $20.6 沽出，誰不知一個屈尾十碌落  $18.2，嚇到心都震一震，震～唔係驚蝕錢而係後悔第一注用重注買早咗，又唔知今次個底會跌到去哪裏，所以就唯有按兵不動捱住價先冇再作任何變動，誰不知只係大約一個星期時間左右就升番上 $19.6，今日重突破埋 $20.0 上到限價目標 $20.2 順利沽出。

宜家其他股票都騎騎呢呢古靈精怪，所以淨係炒一隻盈富基金 (2800.HK) 上落都已經夠做，進可攻退可守，如果坐貨都還可以等收息，而且恆指總會有回升嘅一天，只要唔係喺三萬點買就可以放心了。

渣咗一日沽出盈富基金 (2800.HK)

玩咁耐股票今次都算係有史以來最短嘅買賣，昨日以 $19.3 買入，今早以 $19.8  沽出，一日賺 $0.5 食餐飯。

買入盈富基金 (2800.HK)

以 $19.3 買入盈富基金 (2800.HK)短炒一轉，進可攻退可守。

等待時機，趁低給納......

恆指由上年11月萬五點升到上黎宜家 22689，短短三個月之內 V 形反彈咗接近 8000 點，雖然話放寬防疫措施令經濟有所舒緩，但都未致於好到有升冇跌，所以嚟緊下跌嘅機會好大，宜家都係儲定多D彈藥等待時機再次趁低給納.....

 

 

 

虎年最後一個交易日收爐 22044.6 點

全綠.......今日年廿九係虎年最後一個交易日，由上年11月直插至15000為止，短短三個月已經升咗近7000點，今日收盤 22044.6 點.

沽出建設銀行 (0939.HK)

見大市由三個月前約 15000 點一升升到今日收爐 22044.6，累積升幅約 7000點左右，經濟上未有預期般這麼大好，直覺上升得太急太快有些煲水之疑，同時放幾日長假又可能有未能預計的政策出爐(希望冇估錯)。所以在收爐前先行以 $5.13 暫時沽出部分 $5.0 買入的建行，保持彈藥留待回落後再次入市收息。

沽出全部銀河娛樂 (0027.HK)

經過幾多風風雨雨上上落落今日終於沽出全部銀娛（0027) 股份，成交價 $49.5，比七年前買入價 $36.5 賺 $13。其實呢個價位沽清不是太滿意，比當年上到超過 $70 簡直係差天共地，咁當然今時今日呢個時勢同當年係絕對冇得比，不過近期升咗咁多應該有機會回一回，呢隻銀娛大起大落玩上落會比較合適D，如果有機會跌番落 $40 左右會再買過，祝好運！！！

自之前插到穿15000後，唔夠三星期一個屈尾十升超過 3000 點，衝番上18343 點.....😶😦

 

1111 自之前插到穿萬四後，一個屈尾十又衝番上萬七點樓上.....😶😦

 

熱烈祝賀皇上登基~~

恆指山河一片紅，

財失清零金庫空，

冇錢消費確是窮，

一窮二白褲穿窿。 

哀哉哀哉……🥺😓😰
 

生意好吖嘛。。。。🥹😒😞

 

今日生日終於有 D 反彈C意頭好當係上天給的一份小禮物.....不過雖然升返 D，但原來都唔升唔到果日嘅跌幅......😳😞😟

😳😞😟

 

恆指跌幅致 11 年前水平.....

 

增持建設銀行 (939.HK)

 今日以今年52週低位 $5.0 買入建設銀行 (939.HK)

沽出銀河娛樂 (0027.HK)

澳門疫情好似又好很嚴重，澳門政府宣布 lock down 停市停業七日，無論股評演員如何唱好復甦都暫時以 $46 沽出先前 $45 買入的部分，微賺$1。以目前朝令夕改的情況下都是以炒波幅為上策，不過每次回到 $40 左右總會有大力支持，所以會在 $42 以下再次買入炒上落。

印度神童果然有料到，預言話16/3股壇會有大事發生，果然由琴日開始由極落 18415 點連彈兩天升超過二千點……🙄😳

 

印度神童話 16-3-2022 股市會有大變動, 窮撚變富人......

 

大0樂。。。。。。

 

再入注銀河娛樂 (0027.HK)

經過一大輪負面消息影響，續牌修正法案，洗米華事件，疫情封關後終於漸露曙光，不明朗因素消化後好消息再現，當股價跌致 $ 38-39 就會出現強勁買盤，深思熟慮後相信底部有強大支持，可攻可守，然而經過急升兩日後決定再次追入，以$45買入 2000 股，中短目標價$50.

忍痛沽出部分銀河娛樂 (0027.HK)

渣咗超過六年有多嘅愛股銀娛，經過幾多風風雨雨， 飽歷風浪，登過高峰亦落過谷底，山竹吹到反艇水浸濠江可以捱過，疫情鎖關封城都算捱得過，但今日突然傳來有史以來的壞消息，修訂博彩法進行為期45天的知詢，一眾濠賭股一致直插冇水花，今早上一開市已經直插 $8.0 (-19%) ，當堂驚嚇到鼻哥隆都冇肉，渣咗咁耐從來未試過咁慘烈，看過分析後相信往後前景暗淡，期後一段日子相信股價會持續向下沉。雖然曾經上過 $80 佳績，但這些只是紙上富貴，為免又再次由贏變輸的慘況，所以決定忍痛放棄部分股份，先行在 $40 沽出 3000 股，在買入平均價 $36.5 計算，每股只微賺 $3.5。原本可以大賺番一翻，但現在只係食粒糖。。。(-__-") 希望日後明朗化後可以再次買入。

5️⃣窮血崩‼️😑😑😑

 

買入藍月亮集團 (6993.HK)

買入藍月亮集團 (6993.HK)作短炒，買入價 $13.2，這位置可攻可守甚至低致差不多接近 IPO 招股價，最高曾見$19.16，中短目標價 $15.0.

股壇山河一片紅…… 今日有咁嘅成績，除咗要多謝波叔之外，仲要多謝張如城，媽咪麵同埋秋官……🤣

 

新經濟股玩完，北水流入舊經濟...... 我的愛股…銀娛，終於到你喇‼️😉

 

出得嚟行預咗要還，曇花一現……😳 昨日與今日對比，記錄一下😅

 

癲夠未⁉️😳😨😱

 

再次買入中國人壽 (2628.HK)

再次買入中國人壽 (2628.HK)，買入價 $17.0，這位置可攻可守，52週範圍 $11.64-$22.9，中短目標價 $20.0.

先沽出部份愛股銀娛(00027.HK)

渣咗六年有多嘅愛股銀娛，經過幾多風風雨雨， 飽歷風浪，登過高峰亦落過谷底，終於都以一個較為理想嘅價錢先行沽出 2000 股，在買入平均價 $37.5 計算，每股賺 $26.5 (70%)。

其實在較早時已 mark 定以 $62 限價盤沽出，誰不知今早收到短訊鈴聲通知，心想已有預感可以成功沽出，但驚喜的是一看之下竟然在晨早競價時段賣出價 mark 高了 $2.0 以 $64 沽出，意外地執多 4 差野，而到目前為止已回落到 $61 左右。餘下的股份留待有機會再次突破 $70 才考慮沽出，不過由於今年受武漢肺炎疫情影響，濠賭股業績一定會是非常麻麻，而亦不敢耆望會有理想派息，未來待疫情好轉後才有望會有較理想的前景。

認購 I bond 政府債券二三一一（04239）

 認購 I bond 政府債券二三一一（04239），$10000 一手，每手 $100.

今次蟻俠都幫你唔到喇……😨😰😱😭

螞蟻集團 （新上市編號：06688） 上市在即，上海證券交易所晚上發公告，指馬雲和多名管理層等，近日被人行等四大監管機構聯合監管約談，公司亦報告所處的金融科技監管環境發生變化，可能導致螞蟻集團不符合發行上市條件或信息披露要求，根據相關法例和徵詢保薦機構意見後，上交所決定暫緩螞蟻科技集團股份有限公司的科創板上市。

螞蟻科技集團股份有限公司隨後亦在港交所發公告，暫緩 H 股上市，公告指螞蟻今天接獲中國監管機構通知，暫緩 A 股於科創版上市，因此同時進行的 H 股主版上市亦將暫緩，會盡快公佈暫緩 H 股上市及退回申请股款的進一步詳情。 

上交所的公告指，近日螞蟻「實際控制人」即馬雲，董事長、總經理被有關部門聯合監管約談，螞蟻亦報告所處的金融科技監管環境發生變化等重大事項，可能導致螞蟻不符合發行上市條件或信息披露要求，根據《科創板首次公開发行股票注冊管理辦法（試行）》第 26 條，以及《上海證券交易所股票发行上市審核規則》第 60 條等規定，決定暫緩螞蟻科創板上市。

馬雲上月底在上海出席一個金融論壇時，曾稱「中國不是(面對)金融系統性風險，因為中國金融基本上沒有系統。好的創新不怕監管，但是怕(以)昨天的方式去監管」，被認為是針對內地監管當局，中國證監會周一晚罕有發公布，指聯同人民銀行及銀保監會等四大監管部門，監管約談馬雲及螞蟻集團管理層，《彭博》引述消息指，監管部門在會上指，會將螞蟻集團視為金融控股公司，要遵守和銀行相似的規管。

阿爺果然好水好力，咁嘅環境之下都可以有2千5億成交升成千點……

未到全民皆股，重有好多散戶都摸不著頭腦未敢入市，不過升勢去到九月後應該會完喇……

重 chok 過過山車, 真係少 D 心血都唔電.......😱😱😱

前天才跌 2356, 昨日升番1985.....

今日創出恆指歷史跌幅最大指數-1789.75點

病毒力量果然厲害，令到全世界陷於崩潰邊緣，加上油價因大幅增產而下跌，使到杜指如食了瀉藥般倒塌式下挫，身為國際提款機的香港當然亦不能幸免，今日創出恆指歷史跌幅最大指數一千七百多點，全線股票急挫，連前幾日以$67.3買入的長和(0001)因為歐洲疫情擴大而急速下挫，最後收$55.4 賬面蝕兩皮幾嘢。不過世事難料，雖然全日最多跌成千七點但最後收市奇蹟地只跌二百幾點，而我的心水股阿里巴巴(9988) 更神奇地最多跌 $10 到最後收市竟然倒升$2.9。
大部分股票14天 RSI 已經跌到 30 以下水平，屬於超級超賣，短期方向未明但距離反彈應該不遠，長期而言疫情希望可於六月後得到舒緩，加上今年是美國總統大選年，Trump Trump一定會把機會，反正美股牛咗咁耐，一定會值著今次下挫的機會，在選舉前幾個月造就更多經濟美好的幻象。

 

即日鮮沽出阿里巴巴 (9988.HK): $204

昨晚美股大升 1300 點，諗住偷下雞短炒一轉執下些家用，誰不知平日大勇一日可以升幾蚊的阿里今日反彈乏力，終日浮浮沉沉於 ＄203-206之間，眼見勢色不對，果斷地於 ＄204 止蝕，蝕 $1， 即日最後收市價 ＄203.2. 暫算是執翻身彩。
看形勢短期應該再有機會再下試，再定於 $195 再買入。

再次買入長和 (0001.HK)及阿里巴巴 (9988.HK)

昨晚美股大升1300點，今日衝動地再次買入再次買入長和 (0001.HK)及阿里巴巴 (9988.HK)

再次買入長和 (0001.HK)買入價: $67.3
阿里巴巴 (9988.HK): $205

暫時沽出長和 (0001.HK)

肺炎累香港有兩個確診個案，今日恆指又大跌四百幾點，加上新年將至放假幾天，幾天後不知道會發生咩事，害怕沙士重臨下暫時以 $74 沽出。微賺 $2，待回落到 $70 左右再支持誠哥。

沽出阿里巴巴 (9988.HK) 成交價 $210

沽出阿里巴巴 (9988.HK) 成交價 $210
IPO $176, 升到現在已經接近 20%，雖然只有一手，不過先行沽出鎖定資金獲利算是上策。
看前景阿里巴巴發展是理想正面的，業務發展穩固，加上未來有很大可能會立入恆指成份股並有機會升致 $240 以上。不過日後發行商將會推出 put 輪，這有機會令股價暫時回落及受牽制，所以會待會股價回落致 $190-200 左右再次入市買入作中長線投資。

IPO 阿里巴巴 (9988.HK)

阿里巴巴首日掛牌，開市報187元，較招股價176元高6.25%，以每手100股計，不計手續費賺1,100元。投資者可中長線持有阿里巴巴，預測未來盈利再有三至四成增長。增長空間主要源於電子商務，其在內地市場擁有領導地位及高市佔率，亦比騰訊（0700）做得更好。市場人士亦對旗下網購平台天貓及淘寶看好，最新數據顯示，公司在內地有4.07億個活躍用戶，而全國共有13億人口，公司發展前景可觀。
中長線而言，阿里巴巴仍有炒作空間，可留意以下幾個重要時刻：市場估計公司會於明年5月納入港股通，北水可以買入；上市同時推出多項衍生產品，例如牛熊證及窩輪，都會增加炒作空間。內地人買入美股的阿里巴巴會較困難，但以港股通買入就容易得多，相信炒作機會大，但要耐心等待。

市場獨大　220元方為合理水平

阿里巴巴上市不會有很大升幅，因有美股作為參考價，預計兩者差距不會很大。他建議，可中長線持有，因阿里巴巴的電商業務在內地一線城市有極高市場份額。相反，其對手拼多多的業務，大多位於三四線城市，故不會構成威脅。未來公司國內增長會放緩，但可以引入外資企業打入中國市場，故有利公司繼續擴張。「公司在內地已經有一定的知名度，加上物流及大數據中心，都對業務有正面影響。」而且公司在香港亦有支付寶業務，港人會相對受落。此外，估計阿里巴巴美股及港股差距最多為5%，兩者股價不會太大距離。210美元才是合理水平，料阿里港股明年有機會上升至220元。

支持誠哥，買入長和 (0001.HK)

雖然誠哥地產霸權侵佔全球，但相對於香港其他富豪李嘉誠基金推出的「應急錢」計劃，向飲食業、零售業、旅遊業，以及持牌小販發放總值10億援助，基金會並以3星期完成處理4萬宗申請個案，僅於60天內便將款項發放到合資格申請者手上。

現時香港大多數上市公司已經是紅籌國企，其餘港資企業大部分立場亦已經染紅，唯有誠哥在這氣氛下仍然能敢言，實屬難得。

雖然長和股價大隻成本較高，但為了支持沒所謂，身體力行沽出港鐵而轉以 $72 買入誠哥長和作長線投資以作支持，不排除其後還會稍作增持。

再次沽出中國人壽 (2628.HK)

多次買入中國人壽 (2628.HK)，買入價$ 20.3，近年在 $18-22 反反覆覆上落，曾經脹面上有賺過或有蝕過，雖然今季業績亮麗，大行更預算股價可以上望致 $22-28，不過由於現時局勢不明朗，今天 1111 情況極度混亂，而大市更大跌七百多點，所以不想再重複下跌的陰影，所以決定先行於 $20.8 沽出中國人壽 (2628.HK) 賺少少以明捷保身。
不排除股價回到 $18 左右再次買入。

極度心淡，沽出諗著渣一世的港鐵 (66)

港鐵公司 (66) 曾經係香港人的驕傲，先進的科技為港人在交通上帶來無比方便，但時移勢易地鐵近幾年意外頻生，機件老化繁忙時間四線齊故障。
當年的地鐵是我2000年10月上市，其實早在地鐵招股時小弟已經買入，當時的股價是$9.38，港鐵除了是公用股外，最賺錢的是地鐵沿線上蓋的物業及商場，所以與其說是公用股倒不如說是地產股會比較正確些，其後地鐵與九廣鐵路合併便成為現在的港鐵。港鐵累升已經番了超過 5 倍多。歷史高位 $55.75，現在股價約 $45 。老實說本來打算一直持有從來沒有一刻打算會沽出，放在籠底上線持有，繼續收股息確實不錯。

投資是看前景的，你認為港鐵的基本因素有改變嗎？值得繼續持有嗎？但管理層及企業管治的質素也算是基本因素吧！

終於全數沽出越秀地產 (123)

由於近日香港局勢比較動盪，加上渣咗九年幾嘅越秀地產（123) 毫毛氣色，升來升去都過唔到＄2.0蚊，所以決定全數沽出手上所有越秀，其中有些碎股以市價低幾個價位先行沽出，賣出價＄1.84，平手蝕少少手續費。另外之後再以＄1.77 再沽埋餘下所有越秀。

整體來說渣咗九年投資咗接近十萬元嘅股票，最後不計股息埋單只賺約 $6000 可算係大題小作......

沽出部分越秀地產 (123)

以 $1.96 沽出部分越秀地產 (123)

再次買入莎莎國際 (178)

再次買入莎莎國際 (178) 作中短線投資，買入價 $3.8，初步目標價 $4.3.

莎莎國際(00178.HK)剛公布截至6月底止首財季業績，香港及澳門區同店銷售增長錄25%，符合該行預期，公司指6月底增長放緩，主要是因為天氣不穩、股市波動、人民幣貶值及世界盃等因素所致。另外，莎莎(00178.HK)宣布與淘寶全球購合作，共同打造線上線下聯動的閉環零售生態，以培養本地買手群體這一零售生態中的重要角色，提升內地顧客的消費購物體驗。公司進一步解釋，透過阿里巴巴生態系統的創新零售技術與行銷工具，聯動熟知消費趨勢、擁有獨到選品及粉絲運營能力的本地買手群，藉助淘寶全球購的直播、內容導購等工具，為消費者提供豐富且特色的境外購物攻略及商品選擇。淘寶的買手透過淘寶全球購的網上平台推薦莎莎香港實體店的產品，中國內地消費者可直接於平台上通過買手訂購莎莎的產品，有利集團吸納網上消費力，從而提高莎莎的知名度和銷售。

位於尖沙咀、旺角和銅鑼灣的5家莎莎分店將率先設立「淘寶全球購專區」，由淘寶全球購推薦現時平台最受歡迎產品，首批將聯動約70名全球購買手在香港莎莎門店進行現場直播，向內地消費者推薦莎莎店內的商品，消費者亦可以一邊看直播、一邊購物。該淘寶全球購專區將會陸續推廣至莎莎位於香港的其他100家分店，為內地消費者提供購物便利及折扣優惠。

買入建設銀行 (939)

買入建設銀行 (939)

買入價 $7.87， 作中短線投資，目標價 $9.0.

沽出日清食品 (1475)

今日沽出日清食品 (1475)

沽出價 $5.0, 比 IPO 價 $3.54 賺 41%.

雖然只是得一手......

沽出莎莎國際 (178)

沽出莎莎國際 (178)
沽出價 $3.65，比買入價 $3.0 賺 22%.

愛股銀娛(00027.HK)突破 $60

愛股銀娛(00027.HK)突破 $60，收市 $60，創近三年半高...👏👏👏
持有銀娛多年，買入平均價 $37.5

買入莎莎國際 (178)

今日以 $3.0 買入20000股莎莎國際 (178) 作中短線投資。初部目標價 $3.6.

十一年喇！終於同你講分手⋯⋯

十年喇，正確嚟講應該係十一年，與你共同渡過十一個年頭終於與你分手了⋯⋯

記得在我結婚前已經入手當時是恆指成份股的中國鋁業(2600)，此股令我又愛又恨，無限憧景。當時我見鋁價開始上升，在 $6.34 入手 10000 股，想是短中期投資，目標價約見 8-9 元便沽出。

曾幾可時港股曾有過「港股直通車概念」，概念關於國內個人直接投資境外證券市場試點的批覆，國內人士無需香港身分證明可直接開戶口投資香港的 H 股，當時所有 A 股與 H股有大差價的同系公司股份都變成點石成金，大炒特炒兩股之間差價，就是這樣中國鋁業(2600)便成了其中之一的受惠者。普遍來說當時大部分在國內上市的 A 股股價平均都高於在香港上市的 H 股股價，所以人們都相信只要將 H 股的價錢追致 A 股的價錢便可以從中賺取中間的差額，A 股與 H 股差價愈大賺取到利潤愈多，而我亦與一般人無疑相信不已。最瘋狂時刻亦是令我致今最難忘的一刻，中國鋁業(2600)最高價炒上 $26.5; 廿幾蚊？我無眼花呀？咁即係賺咁成廿萬？一隻股票賺廿萬？恕我見識少大驚小怪，小弟咁大個人真係未試在股票市場上一次過賺咁多錢。當時真係開心到彈起，心想反正份工做得不太如意，今次所賺的錢也差不多是一年的人工，真係好想即刻遞信劈炮唔撈。

事情能夠發展到今天當然是當日我沒有立定心腸沽出股票啦，性格控制命運我徹底地相信這道理，一廂情願地相信股價會不斷的上升，貪婪與傲慢更是致命傷。很快地股價便應聲回落，不到一兩個星期股價已經回落到十幾元，加上直通車概念遙遙無期， A 股大幅下跌，H 股自然打回原形⋯⋯想不到曾經擁有的賬面數字只是紙上談兵，頓成泡影。簡單的說，股市的升跌道理實際上很簡單，升得多，跌得重。在此之後漫長的熊市便由此時開始了⋯⋯沒有了「直通車概念」的光環給力下，中鋁股價最低曾跌至只有$ 2.XX，由山頂直插到谷底這感覺相當難受，為了此事不知徹夜難眠了多少晚。痛定思痛下決定長揸不放，只要是實力派的股份相信總有一天會返回岸上的，在這其間中鋁年年蝕錢，連派息也沒有。但時間可以淡忘一切，不經不覺這股份已經淡忘於我腦海中，只是間唔中閒時 check 吓股價。

沉寂多年，今年開始有些氣色，鋁價開始蠢蠢欲動，股價漸漸的爬上來，由年中開始由 $ 3.XX左右一瞬間便攀升到 $ 5.XX，直至一星期前股價甚致返回家鄉至買入價，看消息來源說將會有重大重組消息要宣布， A 股已經爆升停牌，H 股繼續運作。苦守了十一年終於可以重見天日得到解脫了，但是又是由於貪婪與傲慢，心想若平手離場真的有點不甘心，反正守了咁多年都不怕再揸多一會才沽出，反正今次的升浪突破多年的蟹貨區後便可以橫行無忌，而且更有大成交量實際支持下，不想再重蹈覆撤所以便立定決心落限價盤 $7.5 沽出，原本也沒想過這麼快便到價，就是在昨天(21/9/17)一瞬間便升至 $7.5 甚至最高升至 $7.55，這當然我可以順利地完成交易，終於結束了十一年的關係。雖然今日回望比過去賬面所賺到的相差很遠，但鎖定利潤才是最實際的，希望這是一個正確的決定。

經過了多年風風浪浪，起起跌跌最終以此了結了這段買賣，在我的股壇歷史中這個經典經歷是一世不會忘記的⋯⋯

七年後的中國中鐵 (390)

北水南下，熱錢有如崩塌缺堤洪水湧入，瘋狂牛市一升再升，昨天歷史性單日成交二千五百幾億，今天一開市恆指便狂升一千二百幾點。
七年前以平均價＄9.2 買入的中國中鐵 (390) 一心諗著穩定增長長線投資，誰料入市後不斷尋底，結果被綁七年。“一帶一路”提案令所有中國鐵路股份狂升，加上近日滬港通北水南下現在才開車，令倉底的中國中鐵 (390) 有機會鬆綁。由上年年尾開始到現在短短四個月之間股價已經番了一番有多，見昨天大成交大升而又差不多有機會返岸，決定提高幾個價位落個限價盤$10.0看看有否機會沽出，誰料今天一開市便掃上$10.0以上，最高升上＄11.18，手機傳來短訊通知以$10.22賣出，持有七年有多總算守得雲開見月明有些少斬獲。但到底我的決定是對還是錯？中國中鐵 (390) 往後有否機會再向上發展或是反向下呢？

買入銀河娛樂 (0027.HK)， 平均價＄35.4

濠賭股跌足一年，大部份壞消息市場上大致已經消化，再有壞消息出籠看已跌不下去，是時候出手襯低吸納。
買入銀河娛樂 (0027.HK)， 平均價＄35.4

買入中國人壽 (2628.HK)

買入中國人壽 (2628.HK)， ＄23.0

加注買入中海發展(1138.HK)

加注買入中海發展(1138.HK) $10.0, 兩注平均買入價 $10.5.

買入中海發展(1138.HK),

買入中海發展(1138.HK),買入價$11

沽出首都機場(0694.HK)

以$4.29沽出首都機場(0694.HK)!
比平均買入價$4.185微賺3%
持有三個月回報極微利!!!

買入首都機場(0694.HK)

買入首都機場(0694.HK),分別以$4.27及$4.1買入兩注,平均價$4.185.

沽出玖龍紙業 (2689)

今日以$11.6沽出玖龍紙業 (2689),比買入價$11微賺6%.

沽出餘下中國國航（00753）

買入中國國航（00753）已經是一年前的事了,前後買了兩注,第一注$3.5,第二注$4.2,平均價$3.85.
物極必反,跌致不合理水平絕對會反彈;終於升致$5.55沽出一半獲利.直致近期憧憬人民幣升值,而集團更加宣布訂購20架波音737-800飛機,藉以擴大載客能力.有見及此股價必會因此而上升,況且升致現水平上升空間已經有限,所以決定以$9.0善價沽出餘下所有中國國航股票,比買入時勁賺1.3倍!

沽金沙中國 (1928) 買越秀地產 (0123)

當時以IPO形式購入金沙中國 (1928)初定價$13.88;在一般情況下頂多獲分配一手或會落空,所以一心以抽獎心態一試招股5手.但其後大市經濟吹淡風,在集資額認購不足兩倍下以最低招股價下限$10.38作定價.更也想不到抽5手亦獲全數分配.第一日上市便跌穿招股價直插致$9.0.但金沙的威尼斯人在澳門賭場的地位及佔有率始終是一哥,除賭業以外,還有娛樂,展覽等其他業務.在金融風暴影響下金沙將其下的澳門威尼斯人工程全面停工,今次的集資便是將用作償還股東貸款,減債,以及興建路(乙水)金光大道第五期及第六期.但對於澳門賭股走勢而言未來全是未知之數,最終決策權始終是歸咎於中央.今日反覆升上$12.6已經是五個月的事了.見目標價已達成,以$12.54鎖定利潤,比招股價賺20%.

同一時間亦換馬致越秀地產 (0123) ;雖然中央不斷打壓內地樓市,但銷售面積及金額均增長迅速.未來在政策方面或有負面影響,但相信現價$2.1已有所反映,加上年初至今已完成全年銷售目標的30%,預期今年核心業績仍可保持強勁增長.今日以$2.05買入,中線目標價$2.8.

匯源果汁 (01886) 早在$5.35平倉

現持有:
玖龍紙業 (2689)
中國國航 (0753)
中國中鐵(0390)
中國鋁業 (2600)
大唐發電(0991)
建設銀行 (0939)
香港鐵路(0066)
中銀香港 (2388)
越秀地產 (0123)

今日以$11.0買入玖龍紙業 (2689)

玖龍紙業發盈喜，預料09年底止上半財年，從正常營運之綜合純利潤按年錄得重大增長，歸因造紙行業復甦；及產品銷量及售價大幅增加。中期純利3.23億人民幣，全年純利16.6億人民幣。
買入價$11.0，中線睇$16.0，長線$21.0

沽出中國國航（00753）

中國的上市航空公司上週末起恢復徵收燃油附加費;徵收標準與市場此前預期基本一致,對類股走勢提振可能有限,不過奧巴馬訪華或再提人民幣升值問題,這對於類股也會構成支撐,對此類股份亦將會有所表現.鑑於由六月起買入平均價$3.85到目前為止升幅已經有45%,在初定下的目標價$5.5已達成,同時在5個交易日內亦急升超過20%,所以有見及此於$5.55沽出6000股暫時鎖定部份利潤,餘下6000股到下一個目標價$7.0再作沽出.若果短期出現獲利回吐會於$4.6以下再次吸納.

買入大唐發電 (991)

大唐發電(991)一直是小弟心水之選,經過觀察了大半年的走勢及消息後；發覺六個月內均處於$3.8-$5.2之間上落.由於近日內地正醞釀新一輪電價調整方案,而且最快可能於10月啟動.根據調整方案草案,新一輪調價涉及發電企業的上網電價和電網企業的終端銷售電價.終端電價上調幅度每千瓦時約2.4分,發電廠上網電價則有升有降,但整體還是以漲價為主.在電價有上調空間下,對整體電力股有利.除華能國際外大唐更是不二之選,今日在$4.05買下第一注,中短線$4.65.

金融海嘯後賬面減去不少,不過總算還有些少利潤,經過買入賣出後,現在持有；大唐發電 (991),匯源果汁(1886),中國中鐵(390),中國鋁業(2600),建設銀行(939),中國國航(753),中銀香港(2388),港鐵(66).

買入匯源果汁 (01886)

買賣國內股票最醒目的方法是留意國家動向及國家政策,近日內地將果蔬汁加工業被列入《輕工業調整和振興計劃》,在下半年及明後年的工作計劃中,發改委將為果蔬汁加工業爭取更大的政策支持力度.有關部門提高所有濃縮果蔬汁漿的出口退稅率,並逐步落實地方貼息收儲和減免所得稅.減免出口稅對匯源有正面作用,而且在今次國內股市上升浪中匯源一直落後於大市,在經濟環境續漸復甦下,對內需及出口需求更加有利,匯源有機重上$6.0以上.

今日以$5.35買入,目標價$6.2.

中國國航(00753)再加注買入

中國國航(00753)發盈喜,預期上半年業績最少增長五成.同時6月份客運量較上年同期增13.1%至303萬人次,延續了今年以來同比兩位數增長的態勢,平均客座率為73.4%.另外,6月份因流感疫情取消乘客人數比上月減少近5000人,顯示流感對航空需求的衝擊略有緩解,或助市場減輕擔憂.因以上因數所以除即在$4.2再加注買入,加上原有的$3.5貨底，兩注平均價$3.85,今日收市價$4.7,到目前為止賬面價格上升22%.看中線目標價$5.5.

倉底中的創維數碼(751)

記得五年前小弟還是血氣方剛的黃毛小子一名,同時亦是創維的忠實"粉絲",無間斷地都有炒出炒入這隻股票,平均每次都有些斬獲,在過程中能捕捉她的起伏是如此的興奮.但我只不過是個凡人,意外的事不能預計,在第四次出擊終於遭到小弟投資史上的滑鐵盧,當時買入價是$2.05.創維班老頂在公司的公款中證實穿櫃筒底造假賬被老廉鎝晒返去飲咖啡,最終創維主席黃宏生裁定罪名成立判處入獄六年,而股份同時亦立即停牌.當年的一刻令小弟到目前為止還是靂靂在目.沉寂了一年多後股份終於正式復牌,一開市股價便應聲急挫,在沒有進行任何止蝕便一直持有致今.
時移勢逆,經過世紀大牛市,金融海潚,豬流感的衝擊,五年內創維飽歷滄桑,52週最底價竟然跌致$0.28!比買入價足足唔見咗差不多九成.直致最近這兩三個月,中央計劃家電下鄉產品以以舊換新方案獲批, 創維開始十級而上,在兩三個月內由$0.7左右升致$1.8,成交量亦同時增加,從未想過在經濟環境如此差的情況下能夠升回五年前的水平,原來在這世界上真是無什麼是無可能發生的,見勢頭隨時可以升穿上$2.0,隨即擺定$2.02限價沽盤.升勢勢如破竹,三兩下手勢便升穿兩蚊心理關口毫無難度,全日最高價$2.06,單日上揚12%.手機傳來SMS短訊的一刻正是沽出股票之時.困擾著五年的枷鎖今日終於一一解脫,更意想不到的更是可以以大約打和的姿態全數沽出,加上五年內收取的股息,計落可能還有些少微利.
其後發現原來這段時間正是昔日創維主席黃宏生出獄的一天,沽勿論是有心人有意炒上攞景慶祝大老細重獲自由,或是中央政策有利股價上揚也好,對本人來說己經毫無意義,但不竟曾經一起渡過五年黑暗時代.直致今天事情總算告一段落.

買入中國國航（00753）

今日以$3.5買入中國國航（00753）,暫不設上限目標價,如跌穿$3.0再加一注.

終於沽出

終於以平倉價$11.6沽出在一年半前買入的陳年蟹貨﹣株洲南車時代電氣股份有限公司(3898.HK)。真好彩唔洗蝕手續費兼賺咗佢一次股息喎!

沽出工商銀行(1398)

今日以$4.25沽出工商銀行(1398),比買入價$3.4賺25%.

匯控U盤跌至33元 證監跟進 1分鐘蒸發522億 全日挫24％歷來最勁

一眾匯豐控股(0005)股民仍在掙扎應否供股之際，匯控股價昨日再如決堤般暴瀉，一日大跌 24％，是歷來最大單日跌幅。尾市在U盤(競價)時段的最後一分鐘，匯控更被不明沽盤「突襲」，由37.3元一口價「嘜」低逾10％，足足挫4.3元跌至 33元，惹人猜測是否有人「嘜」價做市。

這次股價異動，不但把股民嚇得目瞪口呆，據悉連港府亦大為緊張，證監會為此罕有地公開表態，承認正在跟進事件，有全國政協委員更懷疑「有人做市」，要求政府務必處理。

天堂與地獄

天堂;或稱天國，字面意思即天上的國度，進入天國被基督教信徒認為是最美好的歸宿。
地獄;或陰間，被一些人認為是人死後靈魂會到的地方。地獄與痛苦的負面情緒有不可分割的聯想，佛教認為地獄道是沒有喜悅意和喜樂的地方，在六道之中最苦的境界。
恆指在這短短一年間便由天堂跌落地獄,就在上年10月29日恆指升上歷史高位31586點,但今天10月28日,一年365日只差一天,恆指急挫致11015點,累計減少20571點.一年內減少二萬幾點真係諗都無諗過,但現實便是如此,無得懶皮.今次的金融海潚是百年一遇,史無前例的,人生中能夠在這大時代中親身經歷過,算是不枉此生了.
世事無絕對,股市進入熊市第三期,相信基金贖回的情況已近尾聲,經濟衰退已成事實,所有事亦已作了最壞打算,況且現時股價基本上亦已反映所有惡劣因數.理論上股市是比經濟行前九個月至一年左右,恆指亦已經超級超賣,所有實力股已跌到抵買的地步,相信下年開始將會從谷底中漸漸走出來.其實一切都可能是過眼雲煙,中國市場無論內需或出口都比任何國家強,資金大洗牌後反而令中國更有籌碼,今次受外圍拖累港股及A股跌到如斯地步都是拜大美國自由經濟主義所賜,美國政府一向主將不干預金融市場政策,任由雷曼倒閉算是大錯特錯,攪出如此大頭佛才後知後覺注資其他金融體系,便等如攪大人個肚三個月後才叫人食事後避孕丸一樣無補於事.經過此役後所有國家都明白到自由資本主義的漏洞,未來世界社會資本主義將會抬頭,中國有人有資金,未來十年中國將會是世界的火車頭,社會資本主義的領導者.
美國大選在本週二將會揭終誰是白宮的新主人,這個影響全球未來發展動向的大選,到底是民主黨人奧巴馬還是共和黨人麥凱恩?現任共和黨總統喬治布殊八年政績劣跡班班,比起當年民主黨總統克林頓國泰民安的狀態簡直又是另一次天堂與地獄之分.如果共和黨人麥凱恩當選相信只會延續喬治布殊的舊路無甚驚喜.所以個人比較偏向奧巴馬,相信奧巴馬入主白宮將會對局勢及經濟帶來新衝擊及新祈望,短期對股市有穩定作用及相信對投資者挽回信心會有些幫助.
近排公司啲後生靚女同事走吓一個走吓一個,換來請返啲又老又肥的新女同事,簡直係再一次要面對由天堂跌進地獄的衝激.

大時代 - 股災

http://www.youtube.com/watch?v=xH4xyr8ngzA&feature=related

大時代大奇績日升升升-----方展博Vs丁蟹

http://www.youtube.com/watch?v=waaNZH4dGHY&eurl

丁蟹的股票哲学

http://www.youtube.com/watch?v=EkyPQTGoRAY&feature=related

清盤了!

佑威<00627.hk>,今日宣佈清盤了!
今朝看報紙收到此消息其實不太感到意外,心理早已有晒準備,皆因在宣佈清盤前的兩星期佑威國際已經停牌了,停牌前報$0.014.由當初以$0.385買入100000股後,每日每況愈下,日日陰乾五六仙,查實一早想止蝕了事,但只怪自己不夠狠絕,所以一直未有實行.直致公佈業績倒退50%後在$0.114終於狠狠地決定斷臂止蝕40000股,餘下60000股直致跌到$0.014,$0.014似有若無,計計賬面餘數得番$840,扣埋手續費得番七百幾蚊,七百幾蚊可以做些什麼呢?行街經過U-Right門市$19蚊一件T恤亦無人問津,不宜用七百幾蚊大手掃入佢的T恤算吧.現在輪落到如此田地亦無話可說.經歷股壇十載玩到公司清盤算是第一次了,咁難得既寶貴經驗都比我體會到總算是難得,今次經歷是繼創維事件之後又一經典之作.
股市跌到熊市三期,信心全無,人人恐慌性沽手上股份,基金有基金抽水,散戶有散戶止蝕,但真正的"終極一跌"尚未出現,恆指可能到12000點才出現真正見底信號,即使現水平萬五點左右到底部可能尚有一段距離.現在手上蟹貨多的是,但如果我早在高位時賣掉所有股票,手上有資金一定會手痕再次買入,可能到頭來蝕了不只這個數目.但無論如何既然已經捱了這麼長時間的跌市,不妨再捱下去.股市有升有跌是永遠不滅的定律,熊市後便是牛市,只是時間上的問題,除非我十年內會死掉,相信此難關總會渡過的,大跌市結束後股市總會翻身,而且會更上一層樓.

918大奇蹟日2.0

世事無其不有,奇蹟後可以再有奇蹟出現,V形反彈的奇蹟現在便再次重現在你眼前!
9月18日是萬眾股民興奮的日子,繼上次817大奇蹟日後,股民在短短一天內由極度絕望變成極度興奮的狀態,想不到又可以再次感受到了.918之前的恆指日日下跌,由回彈致5月的26000左右水平一路直往下墜,雖然間唔中有七八百點反彈,但往往升幅只是"彈"花一現.直致上星期大市更加進入地獄景界,每日至少有五六百點跌幅,小弟的身家亦每日唔見幾千銀擴展致每日唔見一皮幾野以上,每天就是這樣恨恨地在地獄中被捷磿.眼見資產日日減少簡直令人無法安睡.止蝕倒都有考慮過，不過現皆段才斬倉不死也重傷.其內各類板塊分別輪流遭到洗倉,先是資源股,繼而基建,內房,內需,最後到內銀一一亦被洗到乾乾淨淨.小弟一向主張長線投資,短線炒賣非我強項,只買不賣終於造成日後重大遺憾,此時此刻投資組合已由上年最多時賺接近九成利潤到現在為止整體要倒蝕成三成多.自問投入股海後經歷過科技股爆破,911事件,沙士,雖側股齡只不過是十年光景,相比起一眾股壇前輩的閱歷簡直算是乳臭未乾,但總算是見過世面.但亦承認低估了今次金融海潚的威力.
通脹肆虐,環球經濟前景不濟,估計2009年香港經濟開始出現放援甚至開始衰退,下年相信有些行業會錄續倒閉,將再次出現裁員潮是在所難免.但無論如何817及918大奇蹟日都會令股壇歷史留下重要的一頁.

大時代大奇績日升升升-----方展博Vs丁蟹
http://www.youtube.com/watch?v=waaNZH4dGHY&eurl

弱過藥煲

大市弱過藥煲,上週五美股升三百幾野,滿以為今日港股有些好表現,無錯上半場大市係升咗三百幾野,其實已經覺得升得唔夠未交足功課.但下半場一開波受A股搗亂下,收市竟然倒跌25點.
本於7月31日公佈業績的佑威國際<00627.HK>,因待刊發年度業績終於將底牌延至今日才揭盅，截至3月底止全年業績，錄得純利6136.7萬元，按年倒退50.1%，每股盈利1.81仙，不派末期息。
今日一開波即挫一成半,在絕對失望的情況下,終於狠狠地決定在$0.114暫時壯士斷臂止蝕40000股減輕痛楚,今仗足足大蝕成70%.剩餘60000股看情況再作定斷.

沽出中材股份(1893) ,中國動向(3898),

大市非常疲弱,一沉不起,為了減輕壓力今日以$6.08沽出中材股份(1893) ,而前兩日以$3.08沽出中國動向(3898).一賺一蝕,幸好還有些少微利,飲到餐茶便算了.

熊出沒注意！！！！

熊市令人意志消磨，無心戀戰，最後的交易己是今年二月中的事了。實戰倉組合由最多賺十多萬,現在整體只賺$1100，沽晒出去連手續費都蝕埋。信心開始有些動搖了,真懷疑長線投資到底是否正確．．．．．．．．．．．．．．．．．．．．唔唔
旗艦股中鋁２６００出盈警被人質死了，由最多賺二十萬，現在賺得果兩萬幾（不過都唔夠泰哥輸得慘烈），成是中鋁；敗是中鋁。十五十六，大行出報告最底到＄７．７．止賺好不好？
中鐵３９０次次中標就鑊鑊中招．．．．．．．．．．．．．．．．蝕到入肉．
佑威國際６２７買了大半年之後一直鐵達尼沉船，止蝕算了吧！
南車時代３８９８到了無車恐龍時代，完全唔見左影
創維數碼７５１無野講，經典教訓
中國動向３８１８平倉無放，現在後悔示不已
中材股份１８９３都有些少微利，當然比之前差一大斷，現情況還有賺，等再反彈走人
建設銀行９３９唯一有賺一倍半股份，單天保至尊，如果有咩事都唔知點算．．．．．．．．．．．．．．．．

完成中國中鐵(390)買入部署

一年容易又一年,經過一月份的歷史性高速單日大插及大升後,踏入老鼠年第一個交易日恆指卒之開個黑盤再次大插八百幾野攞景贈與收場,連帶豬年最後一天交易日跌一千三百幾野,兩日合共足足唔見左成二千幾點.近期市場風聲鶴唳,殺聲四起,實戰倉中整體組合雖然比高位時帳面賺少左成一半有多,但倉中股份始終為實力股而且大多數是以超廉價買入作中長線投資為目標,更何況個人一向不太贊成短線投機炒買,在波動市況炒出炒入只會費時失事,得不常失,所以到目前為止持有的股份組合在基本因數不變下始終從未作出任何沽售改動.
中國中鐵(390)一直是Mr.X今年的重點投資,集團為內地及亞洲最大,全球第三大的綜合型基建集團,在內地十一‧五規劃下,基建股不但不受宏調影響,鐵道部提升高速鐵路項目開支,有助提升集團鐵路建設分項毛利率達7%以上,現時集團新建及擴建的鐵路長達五萬公里,佔內地鐵路總營運長度70%以上,中鐵可望在今年首季納入國企指數,成為國指成份股,同業中鐵建將會在下月中上市,有影子股概念,前景續可看好.
在IPO中抽得白果之後,本想於上市後第一日追入10000股作長線投資,但其上市後上升速度實在太急導致錯失吸立良機.其後股價作出調整回落致$8.2後買入3000股作第一注吸立,第二注在$10再買入3000股,直致今日鼠年第一個交易日中鐵最高升致$9.83,於午後更跟隨大市回落致$9.2左右水平,見股價已經差不多是吸立時侯,所以決定再買入4000股完成買入10000股的長線部署,三注買入平均價$9.2,中長線目標16元.

加注買入中國中鐵(390)

大市再次因美國次按問題作出大調整,直至跌致24000邊緣200日線左右方為喘定,黎明前總是最黑暗的,當出現兵荒馬亂恐慌性沽售後往往是入市最好時機,昨日大部份股份亦止跌回升.中鐵亦在上市高位$11.94回落致$8.94後獲得初部支持,而它始終是有相當實力及當抄股份,同時亦是今年的重點投資.Mr.X本身初步策略是跌致$9.5為目標後再次加注,但由於當日挫1300點跌勢太急所以未有實現進行.其後於午後股價亦開始重拾升軌,見開始有些異動,決定於$10再加注3000股買入,連之前以$8.2持有的3000股,平均買入價$9.1.首個目標價$12,同時亦預留支金隨時加碼以作長線投資.

2008新開始

話咁怏咁又一年,07年的波幅速度及差距確實係嚇得死人,市場風起雲湧,風高浪急,真係小d心血都唔"電".回顧Mr.X的實戰倉中亦算力保不失,有些少微利,成績表總算是過得去.

相信2007年的瘋癲大時代已成歷史過去,可一不可再;2008年將會是面臨種種挑戰及艱辛的一年.美國次按,本土及內地通脹問題,宏觀調控已成08年股壇上升動力的絆腳石,打後日子必要小心行事,以免中焦誤踏地雷.
實戰倉中在07年底時已將大部份舊有重注股份沽出鎖定利潤,增加現金,其後策略便以抽新股形式作小注投資.待大調整後再作分注吸立.餘下仍然持有重注股份以中鋁(2600)及建行(939)為長線主打旗艦,其餘中鐵(390),中材(1893),中國動向(1893)為次,其餘股份暫作持有.

-中鋁(2600)是以超廉價買入的,隨著中國日益富庶,內地的鋁材需求日益增加,其增長延綿不斷.而中鋁近年亦已收購國內很多大小型鋁廠,令其鋁業皇國版圖擴張不少,雖然直通車急剎停令股價在較高峰時$26回落不少,但其龍頭實力不可致疑,PE亦只是13倍左右,加上中央隨時將直通車方案重新開動,股價有望重上$20樓上,理想目標價$30.

-建行(939)當年於$2.65買入,經過年月的洗禮,現價已接近有一倍半升幅,雖然股價比其他股份若有失色,但勝在業績有穩定增長,持有作長期作戰絕無問題.

-中鐵(390)集團為中國及亞洲的綜合型建設集團，在2005年及2006年分別位於全球第四及第三大建設工程承包商。集團在中國鐵路建設行業處於主導地位，於電氣化鐵路建設的市佔率更高達95%。由於集團處於壟斷地位故可直接受惠內地未來將動用3萬億人民幣去發展鐵路網絡的計劃。其實中鐵一直是Mr.X今年的重點投資,在IPO中抽得白果之後,本想於上市後第一日大手買入,但其上升速度實在太急令人未敢下注,其後在回落時以$8.2小注買入,若股價回跌致合理價格將會繼續分注買入.

-創維(751)是經典教訓情意結,在出事前持有今至少有三年以上,股價一直毫無氣息,所以繼續放在倉中為了警惕自己日後投資必須小心行事.

-佑威(627)是另一中伏坐艇之作;Mr.X一直都有留意她的動向,觀察到股價在半年內一直處於$0.3-$0.57之間浮沈,股價亦一直落後大市,當時入股因停牌後獲有利消息公佈支持及有超大成交量上升配合,而股價亦曾一度急升,但好日子只維持了兩日之久,之後股價便一直反覆回落至今而亦並未有進行任何止蝕.其實以其5倍PE及公司實力股價應不值如此低殘,有望股價重上.

-中國動向(3818)旗下的Ｋａｐｐａ在國際運動服裝品牌的市場佔有率，於０６年排名第三位，達６﹒２％,僅次於Ｎｉｋｅ及Ａｄｉｄａｓ.隨著中國國內生產總值及生活水平的改善，中國居民越趨著重個人健康及體育活動,因此運動服裝行業整體受惠.Ｋａｐｐａ品牌產品有別於其他運動服裝品牌,目標消費者為年齡介乎１８至３５歲.由於定位為走在運動服裝尖端的國際運動服裝品牌,其產品的定價可以較高,故亦取得較高邊際溢利.另其產品剛剛吻合08年奧運慨念,亦是其抄上的另一主要元素.雖然倉中只是IPO抽來的一手股份,但若股價回落致$5.2水平左右將會加注吸立.

-南車(3898)是在最近期買入的一隻股票,見股價已由高位回落不少,所以少注買入作中短線投資.其實對其認識不太深入,但以其公司實力相信有能力重上$15以上.

-中材(1893)乃水泥股中的龍頭,國內基建及房地產日益擴張,材料需求亦能同樣受惠,前景增長潛力無可致疑.以招股價錢抽取一手簡直無需要擔心,只是在乎賺多賺少.不過現價被抄得似乎點過了火位,待股價回落後亦會作著量增持.

66港鐵及2388中銀香港亦是於n年前在招股認購時所得來的,雖然股數很少,但到目前為止已有相當不俗的回報,而每季亦派息不錯,所以此兩隻優質藍壽股完全無想過會賣掉的一天,若然小弟托賴有兒女的話,便待他們成家立業之時贈與他們作嫁妝之用罷.

中國銀行(3988)

(3988)中行一直是Mr.X的投資組合主要一員,在今個月七號見中行(3988)升上$4.25,於是決定加注7000股買貨追入,連埋兩年前所持有的13000股,買入總存貨合共20000股,平均價$3.725.本認為一心可作長線持有,但好景不常,不利因數不斷浮現,而中行表現亦一直跑輸大市,在升致$4.3之後開始乏力再上,股價更一直潯底向下,在短短一星期內已經跌穿$3.8關口.股價多次令我失望又再失望,所以當跌致$3.77時決定把心一橫宣布與它分手,將股票全數沽出,結束長達兩年多的股東關係.

沽出復星國際(656) ,北京發展(154),國泰航空(293),阿里巴巴(1688)

凶兆終於出現了,大市由高位31000點回落致近26000點,Mr.X實戰倉中賬面足足唔見左十幾皮野.見氣氛不太好下決定將手上某些股份減持.
復星國際(656)是在IPO中以$9.23抽中500股獲得的,最高曾見過$15,但好景不常股價在沒有支持下一直尋底直致接近招股價,見股價無甚氣息下卒之以$9.4沽出.持有咁耐到頭來原來得個桔,重要蝕幾廿蚊手續費.
近期買入的北京發展(154)亦不能幸免跌致近3個月最低位$3.3,比買入價$4.11相比最惡劣時賬面蝕$8100,其實此股每日成交量並不多但通常一跌便是一口氣乾跌幾個價位.見近期大市悄為喘定而其亦升番上$3.95所以拿拿聲沽出止蝕套現,連手續費實蝕約$1900.
都唔知係咪鬼掩眼,前晚手狼狠本來想落限價盤以$11.5沽出500股soho中國(410),其實以現價$9左右有排都未到價,但見個市咁癲一個禮拜內都有可能做得到呢個價,於是放心落價.工作其間收到SMS短訊,以為真係以一日內升上$11.5沽出,誰不知內容竟是沽出國泰航空(293)x 3000股成功執行,成交價$20.2,當時一刻心中一寒,一心諗著持有國泰長渣收息,雖然賣出價比買入價$13.25賺約$20000,但我真係諗都無諗過將我的愛股之一無啦啦賣左,原來後來發覺在我網上股票戶口中這兩隻股份的排列十分接近,293在上410在下,就在鬼掩眼的情況下做錯了事,今次都可算是在股壇中的硬膠代表作.
將好運抽中獲得500股的阿里巴巴(1688)股票轉倉入匯豐銀行必須三個禮拜時間,一上市升上$39.5成300幾倍PE已想沽之而後快,唯獨股份轉倉需時,所以唯有默默等待.見日前倉中股份終於成功轉手,立刻落$40限價沽出.就在昨日尾市時段,阿里巴巴突然衝上全日最高位$40,就這樣我將我的一手阿里巴巴賣給以$40接貨的人賺左1.9倍總共$13000,此神股可算是在我股壇紀錄上以最少資本及最短時間賺取最多利潤的正股了.
中鐵快將上市了,對此股份十分有信心,自己亦有以IPO申請認購,但無論抽中與否都打算在一上市時大手掃入以作長線投資.

阿里巴巴(1688)

阿里巴巴以$13.5招股,PE百幾倍上市.很多人說股價偏貴,不合情理,對科網股有所顧忌抱有懷疑態度.話雖如此但阿里巴巴此終是國內最大網上交易平台,臨上市前更突然將招股價坐地起價.現在的股壇處於瘋狂時代,只有理性的分析而不帶點瘋狂態度,將會損失很多機會.更何況現在以ＩＰＯ方式抽股是最低風險的做法,所以Mr.X決定以白表入票10手5000股抽ＩＰＯ阿里巴巴.

昨日大跌一千五百幾點後,大市反覆,但今日全場焦點集中阿里巴巴身上.今早開市果然有料到,開市報$30,較招股價$13.5升122%,其後回落至28元低位後,隨即再升,並以全日高位$39.5收市,較招股價升192%.

放工後急忙地回到家中看看信箱有否中獎,在信箱中看到有一封大信封及一封小信封,不用多說已興奮莫名,因大信封便是阿里巴巴的股票,小信封便是退回來的支票,連忙拆掉一看中獎的是500股.以今日收市價$39.5計每手不計手續費賺約$12900.

久違了的科網熱終於蘇醒了,阿里巴巴果然是一名大盜.

佑威國際(627)

佑威國際<0627.hk>向德意志銀行發行2400萬元浮息可換股票據及認股權證，合共集資淨額2180萬元，擬用作一般企業融資，包括擴充及拓展中港及越南服裝業務銷售網。票據2010年到期，年息為香港銀行同業拆息加1%。初步兌換價$0.341，較上周二(23日)停牌前輕微溢價3.33%。股證為期三年。認購價$0.356，連同每份發行總代價$0.366，較停牌前溢價10.9%。 若票據及股證獲悉數行使，可合共兌換2.22億股新股，相當於全面擴大後股本5.9%。
集團同時宣布，與永旺百貨（０９８４）旗下吉之島「ＪＵＳＣＯ」簽署合作協議，由明年１月起，將於吉之島位於中國及香港綜合購物百貨公司（ＧＭＳ）內，銷售集團旗下全新服裝品牌「Ｕ－ＺＯＮＥ」。展望未來，集團將計劃加緊與吉之島合作，並且透過其銷售網絡，推介集團的創新紡織技術產品──羽絲棉至日本市場，進一步擴大集團的市場發展潛力，加快服裝業務發展步伐，預計未來兩年，該業務發展可為集團帶來超過２億元的銷售額。

Mr. X 一直都有留意佑威的動向,觀察到股價在半年內一直於$0.3-$0.57之間浮沈,股價一直落後大市,於近這兩個禮拜股價更反覆向下回落到$0.3水平,更一道跌穿$0.3致$0.285.其實以佑威8倍多PE,年年營利有增長,以$0.3水平買入可謂抵買,小弟等左咁耐終於等到買入時機,一個禮拜前當時股價$0.295,於是落一星期限價盤$0.28買入100,000股.一心以為可以以更廉價的價錢買進,但股價便是一直無法跌穿$0.285.當在十五十六之濟,於10月23日星期四上午收市前股價突然爆升致$0.33,半日成交量更達一億有多比平日全日平均成交只有一.二千萬多成四倍幾.於是立即改變策略改以$0.33現價買入.但到下午開市後股份突然停牌,其後翻查所有財經新聞亦找不到任何關於停牌的原因.直致昨日消息終於公佈,在所有有利條件下股價在復牌後必然大升特升,眼見機會不可以再次落空,於是在開市後狠狠地以較貴價錢$0.385高追買入,雖說買入價比心目中價錢貴一大段,但對佑威目前的發展方向及前景充滿信心.基金開始重新收集,中線而言向上望好有機會衝破52週高位$0.57.今日成交量更達3億二千幾.

今日買入(154)北京發展&沽出(1317)中化法巴八十二購

今日以$4.11買入10000股(154)北京發展&以$0.3x60000股全數沽出餘下的(1317)中化法巴八十二購 ,比買入價$0.158升89%.但在八月中曾經以止蝕價$0.056沽出40000股.實際1317全程賺$4440.

凶兆?

近排個市簡情可以用"股壇之癲"來形容,每日波幅有如跳樓機般大上大落,晨早可以裂口升六百幾但到下半場竟然可以穿頭破腳倒跌六十幾收市,成交量重誇張到有成二千幾億成交,如此大時代,怎能讓我們的凡夫俗子所主宰.
怪事日日有,大時代;穿頭破腳;單日轉向;超大成交;報紙頭版變財經版,到如此地部都已見怪不怪了.近日走上街上見滿街街坊都談論著霖巴,所人都中晒"霖巴降",無論師奶或亞叔都會好似大佬咁豪氣地說有錢大家搵比隻霖巴你.某日到舊式茶餐廳食下午茶,一入到去見每個人神色凝重,收音機播著新城財經台,看見餐牌已加了價,感覺到通脹已來臨了.坐下來便聽見水吧內傳來一聲"仆街",一名上身赤裸的水吧伙計夾著粗口地說道:[x你老味,攪x錯呀,痴x線架,今朝升成六百幾,家下跌成二百幾,x,我今朝入隻9xxx仆晒街喇!]隨後便從後褲袋拿出一份蘋果財經版像馬經或波經一樣的刨.跟著有另一名茶餐廳伙計更從身上拿出一部股票機向水吧伙計面前狂篤;[x,我隻7xxx夠死啦,好彩前排隻1xxx補番jet].我一邊食著我的餐蛋麵,另一邊霖巴便在我耳邊中穿梭. 其後坐巴士回家途中,在巴士上更有如交易所一般,左邊股后大談新股動向,右邊股神指點迷津般地分析大市走勢,真的無法想像巴士竟變了流動金魚缸.落車行經垃圾房,聽見清潔亞嬸說:[亞邊個俾隻9xxx我跌左成個仙呀!我買左成三千幾蚊呀,點算!] 在此環境下心知不妙,感覺到凶兆不出幾個月內將降臨股壇.

回到家中執拾行李準備到蘇梅島渡假慶祝結婚一週年,行程都有成五天時間,其實扣埋假期正式股市交易日只有二天,但現在市場風高浪急,莫講話一天,二天後都已不知變成咩世界,連我這大好友都決定落定限價盤善價而沽手上想賣的股票.首先第一隻是在七年前以$5.0買入2000股的992聯想,默默地持有下七年後不但可以重返家鄉,更可以稍有回報,落定限價盤$6.6沽出.第二隻是1398工行,買入平均價$4.54x10000股,本著一心持有長揸,但由於發行股份太多,街貨太散,持有年半有多股價一直呆滯不前,而且派息又少,況且手上已持有959建行及3988中行,所以決定落定限價盤$6.0沽出,當時現價$5.52.旅程結束後一落機立即開了手提電話第一時間便收到匯豐send來的sms,內容是所有股票沽出全部執行,即時穩袋一萬八千幾銀落袋,心情當然歡喜若狂.

由回港至今只不過是短短一星期罷了,恆指繼續大上大落地創歷史新高,聯想;工行同樣地創上市紀錄,聯想今日收市$7.29;工行今日收市$6.92.回顧一星期內足足賺少萬幾銀.股壇繼續癲,火棒日日有人接,雖然牛市仍然存在,奧運前仍然睇好後市,但現在市場的升勢及全人民詣股現象確實令我都有點兒驚.吹脹的波除時會爆,大市不會無止景的升,現在一口氣上到二萬八千幾高位確實需要一次全面性的大調整後市才能健康地發展.

農夫 - 全民皆估(MV)

http://www.youtube.com/watch?v=sU47_pd2hps&feature=related