再短炒盈富基金 (2800.HK)

其實短炒盈富基金 (2800.HK)都幾好玩，升得快跌得快而且近期波幅範圍通常於 $18.0-$21.0 之間，只要感受到恆指嘅呼吸就等同捕捉到盈富基金 (2800.HK)嘅上落。今次於五月尾以 $19.6 買入，根據之前住跡近期於 $19.3-$20.8 之間上落，諗住今次撈底實冇死，可以坐定粒六上 $20.6 沽出，誰不知一個屈尾十碌落  $18.2，嚇到心都震一震，震～唔係驚蝕錢而係後悔第一注用重注買早咗，又唔知今次個底會跌到去哪裏，所以就唯有按兵不動捱住價先冇再作任何變動，誰不知只係大約一個星期時間左右就升番上 $19.6，今日重突破埋 $20.0 上到限價目標 $20.2 順利沽出。

宜家其他股票都騎騎呢呢古靈精怪，所以淨係炒一隻盈富基金 (2800.HK) 上落都已經夠做，進可攻退可守，如果坐貨都還可以等收息，而且恆指總會有回升嘅一天，只要唔係喺三萬點買就可以放心了。