第七回之戰果--(沽,沽,沽,偷襲萬四關)

Yung--2158中銀法巴五零二購(-15%)
Wai---4480恆指比聯五零三Ｆ(-16%)
Fung--9066匯豐麥銀四十二Β(-34%)
Tai----9238中銀麥銀四十二Α(-68%)

戰況異常慘烈,恐怖芬佬聯同武裝淡友到處放地雷,踩到好友周腳屎!
峰哥足足加入"匯控盟"成個月喇,佢對此幫派果然情心義重,今回再三使出其絕世好招"終極必殺技匯控輪9066式".雖然覺得有d悶,但今次有些不同,因受時間的洗禮,此招已代身成一招更加終極的招式--"至尊終極必殺極度末日匯控輪9066式",此招既特色是殺傷力強勁但防禦力極底,真係可謂有辣有唔辣.而泰哥經過上回風山水起之後,今回亦好大喜功,野心爆棚,加入近排先響字頭的"中銀行",佢竟然大撚膽到一黎就用鎮幫之寶"終極必殺末日中銀輪",諗住同峰哥鬥玩末日,決一死戰.勇哥今次同是"中銀行"的門生,所以泰哥有咩"依旭",都對佢影響好大.而小志偉亦繼續選擇玩大圍輪.
好喇,終於開閘喇,一出出陣呀只見峰哥及泰哥一個弓字鉗羊馬挾出,一殺就殺出廿幾個,真係聲勢浩大,無人能及.勇哥及小志偉分別守住三四位,末日鬥末日果真無可匹敵.但開心既背後總是惡夢的開始.有兩條無厘頭賊既亞毛將"領匯"既加封大典告上官門,加上恐怖芬佬及武裝淡友正在o係周圍各處擺放地雷,攪到萬四城內陰風陣陣.風騷既泰哥滿以今次大有機會成為二連莊莊之際,第二日一出門就踩到應,唔踩由自可,一踩幣家伙,先前講過末日輪既防禦力極底,所以泰哥首當其衝,大插插及大挫挫地跌落底.而峰哥此時都算叫做企得幾硬.但淡友們既行動點只一日.再黎......嘩!唔掂,唔係好對路,好友一度被迫退守萬四關門外,眾人此時只有眼白白睇住比人強暴而無力反抗,而泰哥到此時真係慘中慘,上次辛苦得來的風光偉績,比佢敗番晒出去.不過佢話出得黎行,就遇左要還,但最慘既係要還都唔知還左比邊q個.呢回佢真係非常慷慨解囊,還凸有餘,到此為止佢榮登為單週跌幅最大的一人.
峰哥起初既防禦力都頂得下,但到最後都是不能幸免,慘遭淡友強暴.匯控輪9066式確是一招好招,但正古語有云"上得山多終遇虎,出得黎疏各自顧"用得多都有中招時,此次都算得上係老貓燒鬚喇.
終於到了決戰之日,兩位末日戰士終於宣布退隱,只有勇哥及小志偉作最後之戰,兩人守得難分難解,但其實兩人早已無心戀戰,只是睇下邊個有返條全屍行返出黎既遮,而此時勇哥亦好彩地霸到個頭位,無傷得比小志偉咁慘,當時既戰況異常慘烈,你損手,我傷腳,我爆頭,你穿肚,真係聽者心酸,聞者流涕.但估唔到勇哥招中銀輪既防禦力咁強大,由頭頂到落尾,到最後雖然係好好彩地嬴左,但咁嬴法都算幾肉酸下!
今回慘絕人寰,死得既死,傷得既傷,大圍變得無定風向,下期更加變幻莫測,下回真是有待各位全力引證!

hidedead.blogspot.com