第九回之戰果-(勇哥中毒之謎)

Fung---2141匯豐法巴五零一購(25%)
Wai---4539恆指麥銀五零三Ｆ(11%)
Yung---3638信德麥銀五一零購(-34%)
Tai-----2264恆指德銀五零二Β(-40%)

一年容易又耶誕,在此祝各位大佬耶誕合皮(happy)!
今期勇哥見馬交個邊個勢咁旺盛,一於挑戰下d大起大落既濠賭股,練招濠賭輪玩下.但好明顯係練錯武功入錯格,好練唔練,整隻濠賭派既信德輪黎練,呢招野奇奇怪怪,佢個亞媽股狂升,但個仔輪反而大跌,而個亞媽股少跌,佢個仔輪更加狂跌,出現發輪功一大禁忌"大背馳".攬到本來都有不錯業績既勇哥走火入魔,十足十好似烏克蘭個反對派老細"油占多"咁,中晒二噁英毒.辛苦得來的功高偉績,本來累積戰績都有排第二既佢,今回一鋪過打巢晒.但講到大起大落,勇哥真係拍馬都比唔上泰哥,此人經典非常,出招功力一時一衝上天界,一時直插落谷底,今次泰哥經上回大勝後,可能有d心雄,出招"大圍邪輪"同大圍死硬派既小志偉招"大圍正輪"玩你死我亡,但天星掛象話泰哥近排命犯極煞,即是剎那奪獲風光,剎那將其盡失,番文即One minute hero, next minute zero. 果然最終佢亦逃不過命運既安排,此回慘敗收皮.泰哥大敗之後,佢個宿敵小志偉好自然殺出重圍, 此回令其得到不俗戰績.而隸屬"匯控盟"既峰哥招匯控輪就差不多由頭殺到落尾,輕鬆地過關,穩奪今回勝者之位之餘亦能力保代盟主地位不失.
其實身為上季盟主既勇哥本來都好有機會挑戰峰哥今季既代盟主地位,但因為今次中毒事件既發生,攪到現在成件事既形勢變得比較惡劣,呢鋪勇哥老虎燒鬚,真可謂"猛虎終須山上喪,精虫必在袋裡亡"喇.

hidedead.blogspot.com