第三季第四回之戰果-(史上極速之戰)

Tai-----3562-匯豐摩根五零六購(70%)
Yung--3682-匯豐比聯五零九Α(26%)
Fung---201-華大地產(0.64%)
Wai----4480-恆指比聯五零三Ｆ(49%)

捱左咁耐咁又一年喇,在雞年祝大家
“叫雞公安吾會捉,
賭錢吾洗比人焗,
精力旺盛射滿屋,
股壇風騷年年綠.”

廢話又講完喇,今回是猴年最後一個禮拜亦是只得日半市的決戰週,同時亦堪稱是史上最短決戰日的決戰週,所以今次邊位能一開波能順利彈出就差不多可以話嬴硬咁滯.而今回泰哥就能夠實現此夢想,佢單以一招"匯控輪"就能一枝獨秀般殺致對手們面容扭曲,片甲不留.事原於其意會到"匯控盟"乃天下第一大幫派,佢眼見"匯控盟"被武裝淡友不斷的遊論及侮辱,以其幫派的性格一定不會就此罷休了事的,一到時機成熟之際必會作出適當反擊,所以佢今次決定加盟"匯控盟"借其有反擊之優勢,從而為其進攻而鋪路,而勇哥亦都心有靈犀同時加入"匯控盟"助其一臂之力.但估不到泰哥今次出此招"匯控輪"出乎意料的強,一開波就殺聲震天,獅吼四起,真是可謂勢不可擋,一發不可收拾.而同是"匯控盟"門生既勇哥雖然功力都有番咁上下但亦被泰哥既震懾鋒芒所掩蓋.至於同場對手峰哥見泰哥今回氣勢如虹,佢就以一招“正股撼贏窩輪之計”想發圍而出,但佢未出手已被泰哥既氣勁隔空點正死穴,從此就碌葛咁企響道直致收場為止.至於精神小志偉就以慣用既"大圍正輪"力撼泰哥既"匯控輪",雖"大圍正輪"既功力亦非常厲害,不過真係無得講,泰哥今次真係鬼上身,所有對手都被其狠狠地擊倒,無得翻身.
佢今次不但能成為猴年最後一個勝利者之外還是今季首位成為"二連莊莊主"之人,而佢亦好有機會奪得今季"單週最高升幅之霸"美譽.希望佢能一直保持這戰績到最後,唔好再大起大落咁就好喇!
最後在雞年再祝大家"鬥心似隻雞,落場有得fight",恭喜,恭喜!!!

www.hidedead.blogspot.com