第四季第一回之戰果-(新規之戰)

Yung---870-恆豐金業 (2%)
Wai-----005-匯豐控股 (0.4%)
Tai-----4617-恆指德銀五零四沽 (0%)
Fung---2633-南泰電子 (-6%)

今季遊戲守則些少改變,將原來的一週一回合改為兩週一回合,而亦由原來的全季十二個回合改為全季六個回合.其實覺得兩週一回時間過得非常之漫長,加上大圍保持悶局,簡直可以話悶到發慌.不過算了罷,因今季小志偉決定重返股壇,重新加入戰陣,令決戰股壇返回原班人馬,而今次首次開波佢就以"匯控盟總堂"的名義出陣,"匯控盟總堂"實力非凡,一直以保守穩陣見稱,同小志偉一向大膽出位的作風完全背道而馳.而峰哥就以"難派電子"出陣,至於勇哥就以"痕瘋金-金至尊""上場.而上季盟主泰哥就維持以"發輪功"迎戰,繼續睇淡大圍再以"大圍邪輪"出招,但第一回合就竟然使出無出色兼古惑及底莊招數"冰封訣".
一開波勇哥首先黎招"千金放光"與小志偉既"大象功"大戰連場,而峰哥因佢個門派咁o岩除淨太公分豬肉,令佢一開波便倒蝕功力.至於泰哥使出既"冰封訣",令佢好似尊大冰佛咁,任人點小都唔郁,但此時此刻根本無人理佢,大家繼續戰鬥話知佢似碌葛咁坐響道.說時遲那時快一星期好快過左,勇哥當時暫佔少少優勢,但眾人的功力亦非常接近.就在此時消息傳來美利堅武裝淡友瘋狂地起革命,令陀地既武裝淡友亦借勢大殺好友們,泰哥見有勢,立時替佢既"大圍邪輪"運功增加功力,眾人見泰哥發功,冷不防被其左一巴右一巴,此時,泰哥以為可以坐享其成,但不消一會好友們便反攻過來,鎮壓暴動.泰哥見勢色唔對立時笠起水上來,乖乖地返回原位做其冰封碌葛,而眾人亦唔得閒理佢繼續戰鬥.在公佈戰果前果幾日美利堅果邊d消息立立亂,大圍好似玩過山車咁,走上走落,好彩對決戰無咩大影響.到最後勇哥以由頭打到尾的姿態嬴得今季首回勝利,而泰哥o係呢兩個禮拜就好似咩都無做過咁.
今回開新規舉可能大家暫時未能習慣及掌握玩法,各人都以穩穩陣陣的門派小試牛刀,希望下回戰鬥會有些驚喜及刺激!