交通銀行 (3328.HK)

曾幾何時交通銀行(3328)在港進行招股,招股價$2.5,當時Mr. X對其前景充滿信心所以亦有認購,但可惜最終只分得一手(1000股).其實在上市之後若價錢合理的話都有諗過在市場上補倉,但最終由於升得過急不敢追貨的關係便將補倉念頭打消了.事隔到現在見交銀巳升到如此地步,所以幾日前手痕痕決定落限價盤$4.5襯好消息出貨.
雖然從中長期角度看,交銀之上升動力仍在,但短線方面,交銀已累積了不少升幅,部分技術指標已出現超買,加上出現了熊背馳現象,短線出現整固的可能性將會大增.直致潯日收市重講緊報$4.35,心諗應該無咁快會到價掛,誰不知今日晨早一開市便裂口急升,一直掃上$4.5,由於限價盤執行指示仍然生效,所以順利地在上市以來的歷史高位$4.5沽出.其後沽盤逐漸湧現,尾市更反覆回落,最後全日跌$0.05或-1.1%,收市報$4.3.
Mr. X今次投資交銀可謂完美一戰,賺盡一分一毫,在招股價買入歷史高位賣出,勁袋$2.0或增長80%,回報可算是非常不俗,雖然手上只得1000股,但總算可以奪個頭彩過個不錯的肥年.