武裝淡友再n次重佔萬四關城

Fung---4488-恆指比聯五零三Ｈ(36%)
Tai-----002-中電控股(0%)
Yung--4692-匯豐德銀五零五Β(-15%)
Wai----4516-恆指法興五零三Β(34%)

武裝淡友見尋晚美利堅班淡友同志們發難,今日立刻身體力行作出助慶,大舉起義再次重佔萬四關城,不過話時話武裝淡友與好友們大大話話都o係萬四關城糾纏左好幾次,今次好友們再次椅都未坐熱就被武裝淡友踢出局,似乎有些似上年年頭大挫既翻版,如果係咁今次破關只是一個開始,最壞打算有可能重演武裝淡友攻下萬二關城的悲壯一幕!而今日的武裝起義對峰哥既"大圍邪輪"功力立時起了重大作用,佢即場運功將所有天地日月精華淡氣融於一身,一個回馬槍立時打得眾人手忙腳亂,而勇哥更被其懾人氣勁擊出幾里外,但泰哥就有隱如泰山坐地"既"九龍發電廠"“正股撼贏窩輪之計”,就算戰場上有任何風吹草動都不會有所影響的.至於精神小志偉隔空控制既"精神大圍邪輪"就一同跟隨武裝淡友的氣勢,隔空傳勁將好友們一一擊倒.
武裝淡友今次瘋狂進攻,有可能要到期指埋數日後先捨得收手,我諗好友們呢次都有排捱喇.