第七季第三回之戰果-(雞犬皆升)

Fung---9701-港交荷銀六零六購(26%)
Wai---2152-建行高盛六零六購(14%)
Tai----3502-匯豐比聯六十一購(-5%)
Yung--3400-匯豐法興六零四購(-25%)

無啦啦又到過年時,今日大年初一小弟祝各位老細
"縱橫股壇無敵手,
升官發財年年有,
低買高沽無戇狗,
賺夠退休鳩游游!
恭喜,恭喜!!!

今回雞年啦屎一戰,真是可謂峰迴路轉,風聲鶴唳,古靈精怪.
一開波因東瀛果邊最大網股"活力門"違反證券條例,話事人及渣fit人全體被捕,東瀛大圍不消幾日便急挫幾百野,拖累到本地大圍亦跟隨一同大挫.而全體股壇戰士亦無可耐何跟隨大圍步伐一同且戰且退地退守城內.但由於雞年將逝,在雞字行頭有鬥雞戰意的情況下,眾人誓要在弱勢下逆轉局勢,在雞竇內叫最後一鋪雞.........糊,奪番個尾彩.
而今回能叫中雞食尾糊的戰士正是峰哥所出陣既"肛交所call輪",佢能有本事在最後兩天戰鬥日內力壓群雄,一野殺出重圍,勇奪今回勝者之位,其戰意真是非常驚人,一時無量.小志偉既"建設性地下大錢莊輪"成績亦算不俗,可惜今次遇上峰哥如此強橫對手,輸了亦算是心甘命抵囉.而泰哥同勇哥就坐埋同一條船,同是"匯控盟"門生,但"匯控盟"近呢幾期都唔多生性,野野都無得發圍,真係拜得佢門下都要輸到撻皮,真可謂喊得一句句.二連莊莊主勇哥願連任成為三連莊莊主美夢盡碎,實在有點兒可惜.而在今回之後小志偉既累積升幅紀錄亦非常貼近勇哥,勇哥既累積升幅紀錄暫時還能保得著,都算可喜可賀囉!
廢話講完,最後再次祝各位老細狗年
"嬴到褲袋裝唔晒,靚女索女任你界!"
恭喜,恭喜!!!

07-3rd